2016(e)ko urriaren 28(a), ostirala

ERRIGORA: Bertako nekazaritzari eta euskarari bultzada emateko egitasmoa

• #EUSKARARIpuzka sortutako diruekarpena 1.000.000€ra iristea jarri dugu helburu. Baina, kopuruaz gainera, diruekarpenaren helburuetan sakondu nahi dugu: heldu eta haurren euskalduntze egitasmoek aurrera egin dezaten ekonomikoki laguntzeaz gain, eremu berriak euskaldunduko dituen tresna, alianza eta baliabideak bilatzen saiatuko gara. • Ekoizleek euskararen ardatzean pausu berriak ematea lortu behar dugu. Etiketekin eta web guneekin egin duten antzera, etorkizunerako erronka polita litzateke langileak euskalduntzen hasteko pausuak ematea.

Aurreko urteetako esperientzian oinarrituta, dagoeneko martxan da ERRIGORA ekimenaren hirugarren urtea.


Jakina den moduan, Errigora ekimenak sustatutako kanpaina honetan bildutako dirua Erriberako nekazarientzat joango da, eta irabaziak, berriz, eskualde horretako euskalgintzara. Zehazki, aurten Biana, Lodosa eta Tutera ikastolen aldeko Hegoa proiektuari, Erriberako AEKri eta Sortzen elkartearen Hamarratz proiektuari laguntzeko erabiliko dira irabaziak.

50 €-ren truke Nafarroako hegoaldeko produktuez osatutako saski bikaina jaso dezakezu; kalitate bikaineko produktuak, bertan ekoitziak eta nekazarien lana errekonozitzen dutenak. Eta merkatuko prezio berean, baina desberdintasun nabarmen batekin: jasotako diruaren %25 euskarari bideratuko zaio herritar askoren borondatezko lanari esker.

Eskaerak hemen egin ditzakezue.

Saskien banatzea Lau Haizetara elkartearen egoitzan egingo da Errigora taldearen eskutik egingo da (beraiek zehaztuko dizuete eguna eta ordua)

Hementxe duzue Errigora proiektua ederki laburbiltzen duen bideoa: https://www.youtube.com/watch?v=ASeBaGfNgPY


Eman diezaiogun guztion artean euskarari puzka!


Orereta Ikastolako HIZPRO taldea

iruzkinik ez:

Argitaratu iruzkina